全港首間日本進口咖啡 冷泡咖啡值得一試

✨焦糖布甸芝士蛋糕🍰✨ 購自: 野田珈琲生豆專門店+焙煎 Noda Coffee(灣仔) 價錢:$48 推薦度:7.5/10 - 呢款蛋糕上層嘅布甸口感輕盈滑溜 而且蛋香味濃郁🌟面頭有一層焦糖塗層 為整個蛋糕帶嚟微微嘅焦糖味道👅食落有層次感 味道唔會太甜 個人認為布甸嘅味道比芝士味重 所以食落唔會覺得膩❣️ 💚 ✨抹茶濃縮拿鐵☕️✨ 價錢:$48 推薦度:7.5/10 - 呢款咖啡飲落有濃郁嘅茶香同咖啡濃縮嘅口感 同時加入咗牛奶令到咖啡口感更加順滑 特別欣賞抹茶嘅苦甜同咖啡互相平衡 飲落唔會好甜💚小驚喜嘅係店員睇得出我驚喜熊仔🐻所以特登拉咗個熊仔嘅拉花 非常用心❣️ 🤍 ✨冷泡咖啡☕️✨ 價錢:$45 推薦度:8/10 - 最鍾意呢杯冷泡咖啡☕️由於佢嘅提取過程相對緩慢 所以酸度同苦度比較低 令到口感柔順 同時保留咗咖啡嘅香氣❣️食完蛋糕配上呢杯清爽嘅咖啡 呢個組合唔錯☕️ 🤍 ✨氮氣咖啡☕️✨ 價錢:$60 推薦度:8/10 - 氮氣咖啡嘅口感較特別 飲落有忌廉嘅口感同絲滑嘅質地 呢杯咖啡注入咗氮氣 令到氣泡細小得嚟分佈平均 比起傳統咖啡口感較綿密同濃郁✨呢款咖啡喺香港好少有 亦都係推薦之選🤍 #CAFE#2023咔嚓#咖啡店#灣仔美食